Бунёди корхонаи хурди бетонрезӣ дар Хоруғ
Хоруғ 15 08 2015 (АМИТ «Ховар» Файз Мирҳасан) Ба мақсади суръат бахшидан ба сохтмони бинои нуҳошёна дар шаҳри Хоруғ дар назди ин иншоот як корхонаи хурди бетонрезӣ ба фаъолият оғоз кард, ки қаблан ба ин сохтмон бетонро аз ҷамоати деҳоти Сучони ноҳияи Шуғнон интиқол медоданд.
Алъон ду ширкати бинокорӣ бо ҷалби зиёда аз 150-нафар коргарон, ки бештарашон ҷавонони маҳалӣ мебошанд, машғул ба кор аст ва бинои мазкурро то ба ошёани панҷум расонданд. Идораи таъмиру сохтмони шаҳри Душанбе ва Ҷамъияти дорои масъулияташ маҳдуди «Бунёд» талош доранд, соли оянда ин биноро мавриди баҳрабардорӣ қарор диҳанд.
Ба иттилои муҳандиси сохтмони мазкур Назарсултон Саидикова, баъди ҷорӣ шудани сел дар деҳаи Барсени ноҳияи Шуғнон ва баста шудани роҳи Хоруғ-Мурғоб-Кулма муддате интиқоли семент аз кишвари Чин ба таъхир афтод. Аммо ҳоло семент ва дигар масолеҳи бинокорӣ аз шаҳри Душанбе сари вақт ва бидуни таъхир ба сохтмон интиқол дода мешавад.
Ёдрас мешавем, ки дар соли равон се бинои муҳташам дар ин шаҳр ба истифода дода шуданд ва дар ҳузури сарвари давлат санги асоси бинои театр, Раёсати маорифи вилоят, коллеҷи тиббӣ ва шаҳраки ояндаи Хоруғ-2 гузошта шуданд.
Имрӯз дар Тоҷикистон сар задани селҳои пиряхӣ аз эҳтимол дур нест
Имрӯз дар Тоҷикистон ҳавои тағйирёбанда дар назар аст
ҶАМЪБАСТИ НИШАСТҲОИ МАТБУОТӢ. Имрӯз дар Прокуратураи генералӣ, Вазорати молия, Кумитаи андоз, Агентии назорати давлатии молиявӣ ва мубориза бо коррупсия ва Агентии суғуртаи иҷтимоӣ ва нафақа нишасти матбуотӣ баргузор мегардад
«Анор»: Вақте шунидани овоз муҳимтар аст
Имрӯз дар Тоҷикистон ҳавои тағйирёбанда дар назар аст
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
