Чорабиниҳо оид ба пешгирии нашъамандӣ

Душанбе, 19.08.2015 (АМИТ «Ховар», Фарзонаи Давлат).-Аз аввали моҳи августи соли ҷорӣ намояндагони Агентии назорати маводи нашъаовари назди Президенти ҶТ дар якҷоягӣ бо кормандони Кумитаи кор бо занон ва оилаи назди Ҳукумати Ҷумҳурии Тоҷикистон, бахшҳои Кумитаи ҷавонон, варзиш ва сайёҳӣ бо занон ва фаъолон ва ҷавонону наврасони шаҳру ноҳияҳоивилоятҳои  Суғду Хатлон,  вилояти Бадахшон ва ноҳияҳои тобеъи кишвар сислсилаи чорабиниҳоро оид ба пешгирии нашъамандӣ гузарониданд.
Кормандони Агентӣ дар рафти мулоқот бо иштирокчиён оид ба масъалаҳои мубрами рӯз — пешгирии наврасону ҷавонон аз истеъмол ва хариду фурӯши маводи нашъадор, шомилшавӣ ба гурӯҳҳои терористӣ, экстремистӣ,  ҳизбу ҳаракатҳои тундрав, задухурди гурӯҳҳо, нашъамандиву нашъаҷалобӣ,  ҷинояткориву ҳуқуқвайронкунӣ суҳбат намуданд.
Ҳамчунин  масъулин чунин мулоқотҳои судмандро дар истироҳатгоҳҳои  «Зимчуруд», «Обшорон» ва «Барқчиён»- и ноҳияи Варзоб  бо иштироки наврасон ва ҷавонон баргузор намуданд.