Фаъолияти 4 корхонаи нав дар Ёвон

Ёвон, 18.08.2015 (АМИТ «Ховар», Субҳониддини Маҳмуд).-Дар нимсолаи аввали соли ҷорӣ дар ноҳияи Ёвон чор коргоҳи хурду миёна ба фаъолият оғоз намуда, беш аз 40 ҷои навӣ корӣ таъсис дода шуд.
Коргоҳи дўзандагии дорои 20 мошинаи дарздўзӣ дар ҷамоати шаҳраки Ёвон, коргоҳи дўзандагии дорои 20 мошинаи дарздўзӣ ва  коргоҳи истеҳсоли хишти сементии ҶДММ “Ғаюри Равшан” дар ҷамоати деҳоти Ситораи Сурх ва коргоҳи истеҳсоли хишти пухтаи ҶДММ “Ёсини Ёвон” барои 22 ҷои корӣ дар ҷамоати деҳоти Даҳана мавриди истифода қарор дода шуданд.
Бо мақсади мусоидат ба шуғли аҳолӣ дар ин давра аз ҳисоби бакорандозии корхонаҳои мавҷуда, ба истифодадиҳии коргоҳҳои нав ва дигар сарчашмаҳо 3629 ҷойи нави корӣ ташкил карда шуд, ки 78 фоизи нақшаи пешбинишудаи солонаро ташкил медиҳад.