«Фурӯғи чеҳраҳо»-чеҳранигории шахсияти эҷодиву инсонии устодон

Душанбе, 05.08.2015 (АМИТ «Ховар», Неруи Маҳмадзода).- Китоби нави адабиётшинос ва мунаққиди маъруф устод Абдураҳмони Абдуманнон таҳти унвони «Фурӯғи чеҳраҳо» тавассути нашриёти «Адиб» ба табъ расид. Китоб аз эссе ва мақолаҳое иборат аст, ки муаллиф солҳои охир бо усули чеҳранигорӣ таълиф кардааст. Хонанда метавонад аз ин китоб оид ба шахсияти эҷодиву инсонии устодон Лоҳутиву Турсунзода, Носирҷон Маъсумӣ, Маҳмудхоҷа Беҳбудӣ, Мирсаид Миршакар, Ғанӣ Абдулло, Раҳим Ҳошим, Мӯъмин Қаноат, М.Шакурӣ, Лоиқ Шералӣ, Гулрухсор, Гулназар, Саидалӣ Маъмур, Камол Насрулло, Давлат Сафар, Муҳаммад Ғоиб ва дигарон маълумоти тоза дарбиёбад. 
Инчунин дар китоб масъалаҳои савод ва эҷод, нақди адабӣ ва адабиётшиносӣ мавриди баҳсу андеша қарор гирифтаанд.