Ҳимояи фазои иттилоотӣ дар Бадахшон

 Хоруғ 21 08 2015 (АМИТ «Ховар» Файз Мирҳасан) «Асотсиатсияи истеҳсолкунандагон ва паҳнкунандагони маводи аудиовизуалӣ» дар мақомоти маҳаллии ҳокимияти давлатии шаҳри Хоруғ барои намояндагони мақомоти давлатӣ, кумитаи занон, раёсати ҷавонон, ҷамъияти саҳҳомии шакли кушодаи Телерадиоком дар мавзӯи гузариш ба пахши  рақамӣ ва ҳифзи фазои иттилоотӣ мизи мудаввар  баргузор кард. 
Масъулин оид ба вазъи кунунии гузариш ба шакли нави пахши барномаҳо дар шабакаҳои давлативу мустақил маълумот дода, зикр намуданд, ки дар айни ҳол чор шабакаи умумимиллии давлатӣ ва шабакаҳои вилоятии давлатӣ ба мултиплекси рақамӣ пайваст гардида, ин раванд ҳанӯз идома дорад.  
  Дар охир байни иштироккунандагон саволу ҷавоб сурат гирифт, ки тавассути он мавзӯъҳои ҳимояи фазои иттилоотӣ, гузариш ба пахши рақамӣ, ҳолати кунунии шабакаҳои мустақили телевизионӣ ва иқтидори техникии онҳо, беҳтар намудани сифати барномаҳои телевизионӣ ва вусъат бахшидани ҳамкории мақомоти давлативу ҷамъиятӣ дар мавриди  ҳарчӣ бештар огоҳ кардани мардум аз равандҳои нави технологӣ-коммуникатсионӣ, аз ҷумла пахши рақамӣ баррасӣ шуданд.