Ин Ватанро мо ҷавонон сабзу хуррам мекунем

Душанбе,  10.08.2015 (АМИТ «Ховар», Рафоати Абдулҳамид).- Ҳар охири ҳафтаи моҳи август  бо иштироки кормандони дастгоҳи марказии Кумитаи ҷавонон, варзиш ва сайёҳӣ, ташкилотҳои система, сохторҳои маҳаллӣ, ҷавонону наврасон, ихтиёриён ва доираи васеи сокинон  амалиёти экологӣ доир карда мешавад. 
Ёдовар мешавем, ки Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон аз 1- уми август то 7- уми сентябри соли ҷорӣ дар қаламрави кишвар Амалиёти экологии умумиҷумҳуриявро бахшида ба 24 солагии Истиқлолияти давлатии Ҷумҳурии Тоҷикистон зери унвони, “Ин Ватанро мо ҷавонон сабзу хуррам мекунем”! эълон намудааст.
Мақсад аз баргузории амалиёти экологӣ тарбияи ҷавонону наврасон дар руҳияи ватанпарастӣ, арҷгузорӣ ба муқаддасоти миллӣ, тавсеа бахшидан ба корҳои ободониву созандагӣ ва сарсабзу хуррам гардонидани кишвар мебошад.
Амалиёти мазкур то 7 сенябри соли равон идома ёфта, ҳар рӯзи шанбе он бо ширкати ҷавонони фаъол ва ихтиёриён дар сатҳи баланд доир карда мешавад.