Корҳои барқароркунӣ дар шоҳроҳи Душанбе-Кӯлоб-Дарвоз-Хоруғ- Мурғоб -Кулма

Душанбе, 13.08.2015 (АМИТ «Ховар», Фарзонаи Давлат).-Ҳамарӯза барои барқарор намудани қитъаи  харобгардидаи шоҳроҳи  Душанбе-Кӯлоб-Дарвоз-Хоруғ- Мурғоб -Кулма, ки дар натиҷаи офати табии  дар ноҳияи Шуғнон зери об монда буд,   зиёда аз 200 кг маводи тарканда истифода бурда мешавад.
 Бино ба иттилои сардори  Раёсати  кӯшунҳои муҳандисии Вазорати мудофиаи  Ҷумҳурии Тоҷикистон Сайёрабек Бачабеков, ҳоло кор дар душвортарин мавзеъ — қаторкӯҳҳои  Шитобоғ  идома дошта, сахтии кӯҳ дар ин ҷо дорои  категорияи ҳаштум мебошад. То ба имрӯз  дар ин ҷо  зиёда аз 900 ҳазор метри  кубӣ  корҳои таркиши  ба анҷом расонида шуда, барои пайваст  ва пурра барқарор намудани ин қитъаи шоҳроҳ боз 700 метр  кӯҳ тарконида хоҳад шуд.
Гурӯҳи  таркишии  ҷузъу томҳои  қӯшунҳои  муҳандисии  Вазорати мудофиа он ҷо дар ду самт кор кунанд.