Кумаки навбатӣ ба осбедидагони ноҳияи Мурғоб

Мурғоб 12. 08. 2015 (АМИТ «Ховар» Файз Мирҳасан).- Ҷумҳурии Қирғизистон ба сокинони деҳаи Рангкӯли ноҳияи Мурғоб, ки бар асари селоб аз хонаҳои истиқоматиашон маҳрум шуданд, маводҳои сохтмонӣ интиқол фиристод. 
Ба иттилои ситоди ҳолатҳои фавқуоддаи вилоят,  ин кӯмакҳои башардустона аз 260 дона кӯрпа, 15 тонна семент, 5 метри кубӣ тахта ва 1102 метр тунука иборат мебошанд, ки  сари вақт ба зарардидагон тақсим карда шуданд. Ҳамчунин сокинони деҳоти Аличул, Бердикободи ин ноҳия низ ба осебдидагон маводҳои сохтмонӣ ва кумаки моли ирсол намуданд.  
      Илова бар ин бо дастури раиси вилоят аз ҳисоби захираи давлатӣ 100 тонна орд, се тонна шакар ба воситаи роҳи Ишкошим  ва  200 литр равған, 3 тонна орд тавассути чархбол ба  ноҳияи Мурғоб  оварда шуд.
     Ёдрас мешавем, ки охирон офати табиӣ дар Вилояти Бадахшон  6-уми августи соли равон рух дод, ки бар асари он 13 хонаи истиқоматӣ, чанд иншооти ёрирасон ва   шабакаи обрасонии ягона неругохи барқӣ хароб гардида, роҳи Мурғоб- Ӯш низ мувақатан  баста шуд.