Меҳрномаи як нафар эҷодкор

Душанбе, 24.08.2015.(АМИТ «Ховар», Ҳотами Шариф).-«Ҳайкали тиллоӣ» чунин ном дорад, китоби ховаршинос Сайфиддин Акрамзода, ки бо теъдоди 10-ҳазор нусха тавассути нашриёти «Истеъдод» ба табъ расид. Дар китоб воқеаву ҳодисоти давраи ҷанги шаҳрвандӣ дар Тоҷикистон рухдода ва он мушкилоту бадбахтиҳое, ки ба сари миллати мо омада ва бо ҷаҳду талошҳои қаҳрамононаи Ҷаноби Олӣ Эмомалӣ Раҳмон  бартараф гардиданд, бо тариқи назм тасвир ёфтаанд. 
Дар асар хизматҳои шоён, ободию бунёдкориҳо, таъмиру таҷдиди роҳҳо , ифтитоҳи нақбҳои афсонавӣ аз нуқтаи назари як нафар эҷодкор ба тасвир омадаанд. Муаллифи китоб шоир, сароянда ва олими ховаршинос  Сайфиддин Акрамзода дар таҳкими дӯстии халқҳои Тоҷикистон ва Покистон хизмати арзанда кардааст.Ӯ ҳамроҳи фарзандаш дар шаҳри Лоҳури Покистон 120 сурудро бар ашъори алломаи Машриқзамин Муҳаммад Иқбол бо садои тору таблак  сабти радиоӣ ва телевизионӣ намуда буд.