Мулоқоти Қоҳир Расулзода бо сафирони Туркия ва Ҳиндустон
Душанбе, 12.08.2015. (АМИТ «Ховар»). — Имрўз Сарвазири мамлакат Қоҳир Расулзода бо Сафири фавқулодда ва мухтори Ҷумҳурии Туркия дар Ҷумҳурии Тоҷикистон Мехмет Мунис Дирик бинобар сабаби анҷом ёфтани ваколати дипломатияш мулоқот кард.
Дар мулоқот доир ба вазъи кунунӣ ва дурнамои муносибатҳои дуҷонибаи Тоҷикистон ва Туркия дар соҳаҳои иқтисоду савдо, илму техника ва фарҳангу маориф табодули афкор сурат гирифт.
Сарвазири мамлакат ба Мехмет Мунис Дирик барои фаъолияти пурсамар ва нақши созанда дар таҳкими робитаҳои дуҷониба сипосу минатдорӣ баён карда, изҳори боварӣ намуд, ки дар оянда низ муносибатҳои Тоҷикистон ва Туркия дар соҳаҳои мавриди таваҷҷуҳ рушду таҳким хоҳанд ёфт.
Ҳамчунин имрўз Сарвазири мамлакат Қоҳир Расулзода бо Сафири фавқулодда ва мухтори Ҷумҳурии Ҳиндустон дар Ҷумҳурии Тоҷикистон Аситх Кумар Бхаттачарджи бинобар анҷом ёфтани муҳлати сафирӣ дар Ҷумҳурии Тоҷикистон мулоқот кард.
Қоҳир Расулзода ва Аситх Кумар Бҳаттачарджи доир ба натиҷаҳои рушди ҳамкории Тоҷикистон ва Ҳиндустон дар соҳаҳои энергетика, кишоварзӣ, маориф ва тандурустӣ табодули афкор намуда, изҳори боварӣ карданд, ки дар оянда имконоту захираҳои мавҷуда барои рушду таҳкими муносибатҳои дуҷонибаи Тоҷикистон ва Ҳиндустон самаранок истифода бурда мешаванд.
«МегаФон Тоҷикистон»: Русия ва Тоҷикистон ҳамкориро дар соҳаи рақамикунонӣ тақвият мебахшанд
Имрӯз дар ноҳияҳои кӯҳии Тоҷикистон ҳаво то 27 дараҷа гарм мешавад
Дар кӯчаҳои Хуҷанд барои пешгирии ифлосшавии муҳити зист дурбинҳои назоратӣ насб гардиданд
Имрӯз дар шаҳри Душанбе ҳаво то 28 дараҷа гарм мешавад
Дар соҳаҳои маорифу тандурустии ноҳияи Ёвон нақшаи захираи ангишт пурра иҷро гардид
Имрӯз дар водиҳои Тоҷикистон ҳаво то 28 дараҷа гарм мешавад
35-СОЛАГИИ ИСТИҚЛОЛИ ДАВЛАТӢ. Дар ноҳияи Ишкошим сохтмони Литсейи касбии техникӣ оғоз ёфт
Сарони давлатҳо қарорро дар бораи таъсиси қолаби нав бо номи «ИДМ плюс» имзо карданд
Раим Саданшоев: «Мо на танҳо дар самти таъмини алоқа, балки дар дигар соҳаҳо низ ҳамроҳи шумоем»
Имрӯз дар Тоҷикистон ҳаво то 28 дараҷа гарм мешавад
Имрӯз дар шаҳри Душанбе ҳаво то 27 дараҷа гарм мешавад
Дар Лахш барои фаъолияти самарабахш дар давраи тирамоҳу зимистон беш аз як миллион сомонӣ маблағ ҷудо гардидааст
