Мулоқоти раиси вилояти Хатлон бо роҳбари ширкати сармоягузории “Тунг”- и Ҷумҳурии мардумии Чин

Душанбе,  12.08.2015 (АМИТ «Ховар», Рафоати Абдулҳамид).- Дирӯз  раиси вилояти Хатлон Давлатшоҳ Гулмаҳмадзода, роҳбари ширкати сармоягузории “Тунг”-и Ҷумҳурии мардумии  Чин,  Сун- Вэй- ро ба ҳузур пазируфт. Зимни суҳбат роҳбари вилоят оид ба ҳамкории судманд бо ширкатҳои чинӣ, дар  соҳаҳои мухталифи хоҷагии халқ  ва доир ба ворид намудани технологияҳои муосир барои эҳёи корхонаи “Нуриҳои Азотии Вахш” пешниҳодҳои ҷолиб кард.
Сун-  Вэй  афзуд,  ки маҳз ба нияти эҳёи корхонаи “Нуриҳои Азотии Вахш” омадааст. «Мақсаду мароми мо кӯмак намудан ба кишоварзони Тоҷикистон аст», изҳор дошт Сун – Вэй. Зикр гардид, ки дар ҳолати ба мувофиқа расидан, имкон аст, дар давоми як сол истеҳсоли  маҳсулоти кимиёвӣ, аз қабили нуриҳои минералӣ ба роҳ монда шавад.