Мусиқинавозони ҷавони Тоҷикистон ба озмуни байналмиллалии ба номи П.Чайковский даъват шуданд

Душанбе,27.08.2015.(АМИТ«Ховар»). — Мусиқинавозони ҷавон  аз Тоҷикистон барои ширкат дар озмуни IX –уми  байналмилалии  ҷавонон ба номи П.Чайковский, ки моҳи декабри соли ҷорӣ дар шаҳри Новосибирски Федератсияи Русия баргузор мегардад, даъват шуданд. 

Озмун ба 175-солагии бастакори  бузурги рус Пётр Чайковский бахшида шудааст. 

Дархост барои иштирок  то 15 октябр қабул карда мешавад. Вобаста ба барномаи ихтисосӣ бояд  асарҳои  Чайковский,  Бах, Гайдн, Мотсарт, Бетховен, Паганини, Грюхмахер ва дигар бастакорон  на беш аз  25 дақиқа иҷро карда шаванд .

Ба ҳайати ҳакамон мусиқинавозони машҳур аз Русия, Арманистон, Қазоқистон, Исроил, Ҷопон, Корея, Чин, Фаронса ва Швейтсария шомиланд. Озмун аз ҷониби Вазорати фарҳанги вилояти Новосибирск, Ассотсиатсияи лауреати озмуни байналмилалии ба номи  П.И. Чайковский, Корпоратсияи рушди байнидавлатӣ ташкил гардидааст.

Ин озмун ба олами мусиқӣ даҳҳо нафар истеъдодҳои ҷавонро тақдим намудааст, ки баъзан мусиқинавозони номӣ шуданд.

Озмуни  байналмилалии ҷавонон ба номи П.Чайковский  соли 1992 таъсис ёфта,  бузургтарин озмуни касбӣ барои мусиқинавозони  ҷавон аст.