Низомномаи стипендияҳои Президенти Ҷумҳурии Тоҷикистон тасдиқ гардид
Душанбе, 07.08.2015.(АМИТ «Ховар», Марзия Саидзода).-Ҳукумати Ҷумҳурии Тоҷикистон қарор қабул кард, ки тибқи он Низомномаи стипендияҳои Президенти Ҷумҳурии Тоҷикистон барои хонандагону донишҷӯёни муассисаҳои таҳсилоти умумӣ, ибтидоӣ ва миёнаву касбӣ тасдиқ гардид.
Қарори мазкур ҷиҳати иҷрои Фармони Президенти кишвар Эмомалӣ Раҳмон аз 14 июли соли 2005 «Дар бораи таъсис додани стипендияҳои Президенти Ҷумҳурии Тоҷикистон барои хонандагони макатабҳои таҳсилоти умумӣ, литсейҳо гимназияҳо, омӯзишгоҳҳои касбию техникӣ, омӯзишгоҳҳо, техникумҳо ва коллеҷҳо» қабул шуд. Тибқи банди дуюми қарори мазкур Низомномаи қаблӣ, ки ҳанӯз даҳ сол муқаддам, 1 августи соли 2005 бо қарори Ҳукумати Ҷумҳурии Тоҷикистон тасдиқ гардида буд, аз эътибор соқит дониста мешавад.
Хонандагону донишҷӯёни муассисаҳои дар боло зикршуда, ки дорои рафтори намунавӣ, хониши аъло буда, дар корҳои ҷамъиятӣ , фаъолона иштирок менамоянд, довталабони асосии стипендияҳои президентӣ шуда метавонанд. Стипендияҳои Президенти Ҷумҳурии Тоҷикистон дар асоси озмун аз ҷониби мақоми ваколатдори давлатии кор бо ҷавонон ҳар сол таъин карда мешаванд. Дар асоси Низомномаи нав стипендияҳои Президенти Ҷумҳурии Тоҷикистон барои 240 хонандаи муассисаҳои таҳсилоти умумӣ ва 60 хонандаву донишҷӯи муассисаҳои таҳсилоти ибтидоӣ ва миёнаи касбӣ муқаррар гардидааст.
Аз Вазорати маориф ва илми ҷумҳурӣ ба АМИТ «Ховар» иттилоъ доданд, ки тибқи ин Низомнома аз якуми сентябр хонандагони муассисаҳои таҳсилоти умумӣ дар як моҳ 378, донишҷӯёни муассисаҳои таҳсилоти олии касбӣ 630 ва аспирантон 756 сомонӣ аз стипендияҳои Президенти кишвар бархурдор хоҳанд шуд.
АМАЛИЁТИ «ПИЁДАГАРД». Ҳадафи он коҳиш додани сатҳи садаманокӣ дар Тоҷикистон аст
МУШОҲИДОНИ БАЙНАЛМИЛАЛӢ. Қоидаҳои иштирок ва мақоми онҳо дар интихоботи вакилони Маҷлиси намояндагони Маҷлиси Олии Ҷумҳурии Тоҷикистон чӣ гуна аст?
«ЭЪЛОМИЯИ ҲУҚУҚИ БАШАРИ КУРУШИ КАБИР». Ин санад бузургтарин мероси маънавӣ дар миқёси умумибашарӣ аст
Имрӯз дар баъзе ноҳияҳои Тоҷикистон борон меборад
Танбашавии мошинҳо дар роҳҳои байналмилалие, ки аз маркази шаҳри Ваҳдат мегузаранд, кай бартараф мегардад?
ҲИСОББАРОБАРКУНИИ ҒАЙРИНАҚДӢ. 6 миллион амалиёти пардохти андоз ва боҷҳо ба тариқи ғайринақдӣ анҷом ёфт
НАВРАСОНИ АСРИ ТЕХНОЛОГИЯ. Дар Душанбе машварати омӯзишӣ аз фанни технологияи иттилоотӣ доир шуд
Имрӯз дар баъзе ноҳияҳои Тоҷикистон борон ва барф меборад
ҶАМЪБАСТИ НИШАСТҲОИ МАТБУОТӢ. Имрӯз дар Вазорати молия, Кумитаи рушди сайёҳӣ, Прокуратураи генералӣ ва Агентии назорати давлатии молиявӣ ва мубориза бо коррупсия нишасти матбуотӣ баргузор мегардад
Дар Женева дастовардҳои Тоҷикистон дар соҳаи роҳу нақлиёт муаррифӣ шуд
Иштироки ҳайати Тоҷикистон дар Симпозиуми байналмилалии авиатсияи гражданӣ дар Амороти Муттаҳидаи Араб
