Ҷоми “Истиқлол”: ғалабаи дуюми ФФТ

Душанбе, 14.08.2015 (АМИТ  «Ховар»,  Меҳрони   Қурбон)-Дар майдончаҳои хурди сабзаашон маснӯии назди Варзишгоҳи марказии шаҳри Душанбе, мусобиқаи ҷумҳуриявӣ оид ба футболи хурд барои дарёфти Ҷоми бошгоҳи футболи “Истиқлол” идома дорад.Рӯзи 12 август қаҳрамони феьлии ин мусобиқа дастаи Федератсияи футболи Тоҷикистон, ки дар гурӯҳи “А” баромад мекунад,  бозии дуюми худро  гузаронд. Ин дафьа ҳарифони  ФФТ дастаи “Варзишгарон” буд. Бозӣ пурра бо бартарии чемпиони феълӣ ҷараён гирифт ва бо ҳисоби калони  10 бар 3 ба фоидаи ФФТ анҷом ёфт.  Бояд қайд кард, ки дар ин бозӣ ноиби аввали президенти Федератсияи футболи Тоҷикистон Хуршед Мирзоев ба задани се гол муваффақ шуд ва он гуна ки дар футбол мегӯянд, дар ҳисоби худ  хет-трик навишт.
Бозии навбатии худро дар Ҷоми “Истиқлол” дастаи мо рӯзи  16 август ба муқобили дастаи “Динамо” мегузаронад.Дастаи  “Динамо”  яке аз пурқувваттарин дастаҳои мусобиқа мебошад. Оғози бозӣ соати 19.00.