Пасандози «Истиқлолият»-иқдоми идонаи «Амонатбонк» ба 25-умин солгарди Истиқлолияти кишвар

Душанбе, 12.08.2015. (АМИТ «Ховар», Лайло Тоирӣ).- Бонки давлатии амонатгузории Ҷумҳурии Тоҷикистон «Амонатбонк», бо мақсади ҷалби бештари маблағҳои озоди аҳолӣ бахшида ба 25-умин солгарди Истиқлолияти давлатии Ҷумҳурии Тоҷикистон бо пешниҳоди мизоҷони Бонк, қабули маблағҳо барои пасандози мӯҳлатноки «Истиқлолият»-ро, ки соли гузашта оғоз намуда буд, идома медиҳад. 
Пасандози «Истиқлолият» ба мӯҳлати 1 сол қабул карда мешавад. 
Фоизҳои пасандози «Истиқлолият» бо асъори миллӣ 17% ва бо асъори хориҷӣ 15%-и солона мебошад. 
Мӯҳлати қабули маблағҳо ба пасандози «Истиқлолият» аз 9 август  то 9 ноябри 2015 муқаррар шудааст. Ин иқдоми Амонатбонк ба шаҳрвандон имконият медиҳад даромади фоизии маблағҳои худро таъмин намоянд. Хуҳишмандон  метавонанд ба ҳамаи филиалу марказҳои хизматрасонии бонкии дар шаҳру ноҳияҳои ҷумҳурӣ буда муроҷиат намоянд.