Сӯхтори автомашина ва болопӯши оғилхона

Душанбе, 25.08.2015 (АМИТ «Ховар»).- Кормандони Хадамоти оташнишони Вазорати корҳои дохилӣ дар як рӯзи сипари шуда 2 ҳолати сӯхторро ба қайд гирифтанд, ки беш аз 1000- сомон зарар ворид кардааст.Рӯзи 24- уми августи соли равон дар кӯчаи Сирдарёи шаҳри Хуҷанд автомашинаи тамғаи Опел- Вектра, ки ба марди 23-солаи сокини ноҳияи Конибодом тааллуқ дорад, сухтор ба амал омадааст. Сабаби сар задани сӯхтор расиши кӯтоҳи ноқилҳои барқӣ мебошад. Зарари расонидашуда 7000- сомониро ташкил медиҳад. Ҳамчунин, дар ин рӯз, дар болопӯши оғилхонаи ҳавлии истиқоматии 45- солаи сокини ноҳияи Муъминобод сӯхтор масоҳати 44- метри мураббаъро фаро гирифтааст. Зарари расонидашуда 3000- сомонӣ зарар овардааст Сабаби сар задани сӯхтор бо, оташбозӣ кардани ноболиғ,писарбачаи 13- солаи ҳамсоя, сокини ҳамин ноҳия мебошад.