Суғд: дар майдони 14 266 га кишти такрорӣ гузаронида шудааст

Суғд,  11.08.2015 (АМИТ “Ховар”, Абдуаҳад Шарифзода,).- Дар хоҷагиҳои кишоварзии шимоли кишвар ҷараёни кишти такрорӣ  босуръат идома дорад. То 10-уми августи соли равон  деҳқонони вилоят дар майдони 14 266 гектар корҳоро ба иҷро расонидаанд, ки он 98,4 фоизи нақшаи дурнаморо ташкил медиҳад. 
Чунон, ки аз бахши кишоварзии мақомоти иҷроияи ҳокимияти давлатии вилоят хабар доданд, тибқи нақша соли равон дар вилоят бояд дар майдонӣ 14 500  гектар кишти такрорӣ ба амал оварда мешуд. 
Дар айни замон аз 12 шаҳру ноҳияи вилоят кишоварзони 10 минтақа бо мақсади истифодаи самараноки замин нақшаи кишти такрориро барзиёд иҷро намуданд.   Ба иттилои мамбаъ, деҳқонони шаҳру навоҳии Конибодом — 133 %, Исфара — 132,8 % нақшаро иҷро карданд. Аммо деҳқонони  шаҳри Панҷакент ҳамаги -91,9% ва ноҳияи Зафаробод — 59,1% — и нақшаро иҷро карданду халос.