Таҷлили иди касбии табибон дар Чкалов

Душанбе, 18.08.2015 (АМИТ «Ховар», Фарзонаи Давлат).- Дар толори Қасри фарҳанги шаҳри Чкалов бахшида ба иди касбии кормандони соҳаи тиб ҷамъомади идона  доир гардид.
Масъулини шаҳри Чкалов кормандони соҳаи тандурустиро ба иди касбиашон  табрик гуфтанд. Зикр гардид, ки  соҳаи тандурустӣ яке аз самтҳои афзалиятноки  сиёсати иҷтимоӣ ба шумор рафта, солимӣ ва некӯаҳволии халқ, инъикоскунандаи вазъи иҷтимоӣ, иқтисодӣ ва фардои дурахшони ҳар  миллату давлат мебошад.
Дар чорабинӣ ба фаъолони кормандони соҳаи тиб барои хизматҳои шоён “Сипоснома” ва тӯҳфаҳои хотиравии мақомоти иҷроияи ҳокимияти давлатии шаҳри Чкалов супорида шуд.