Восеъ: Омодагии мактабҳо ба соли хониш

Восеъ, 19.08.2015 (АМИТ «Ховар» Сулаймон  Холов)- Дар ноҳияи Восеъ муассисаҳои таълимӣ ба соли нави хониши 2015-2016 омодагӣ мебинанд. Роҳбарият ва омӯзгорону кормандони муассисаҳои таълимӣ корҳои таъмириро ба анҷом расонида, ба муҷаҳҳаз гардонидани синфхонаҳо машғуланд. Дар муассисаҳои таълимӣ қисми зиёди корҳои таъмирӣ аз ҳисоби маблағҳои ассотсиатсияи волидайн ба анҷом мерасанд. Пардохти Раёсати молияи ноҳия ба муассисаҳои таълимӣ 216 ҳазору 600 сомониро ташкил медиҳад. Ёдрас мешавем, ки ноҳияи Восеъ дар минтақаи Кӯлоб яке аз ноҳияҳои калонтарин ба шумор меравад ва дар он 72 муассисаи таълимӣ фаъолият доранд.