Захираи хўроки чорво

Душанбе, 18.08.2015. (АМИТ «Ховар», Ситораи Боймурод).- Тибқи маълумоти фаврии Раёсати чорводорӣ дар корхонаҳои кишоварзӣ ва хоҷагиҳои деҳқонӣ (фермерӣ)-и ҷумҳурӣ маъракаи захираи хўроки чорво муташаккилона идома дорад. 
Тавре аз Вазорати кишоварзии иттилоъ доданд,  имсол дар ҷумҳурӣ ба миқдори 1млн.147,5 ҳазор тонна хўроки дурушти чорво бояд захира шавад. То 10 августи соли равон дар корхонаҳои чорводории ҷумҳурӣ ба миқдори 1027872 тонна хўроки дурушт захира карда шудааст, ки 89,6 фоизи нақшаро ташкил медиҳад. Захираи хўроки чорво нисбат ба ҳамин давраи соли гузашта 47171 тонна зиёд аст.
Нақшаи хўроки ширадори чорво имсол дар ҷумҳурӣ 102215 тоннаро ташкил медиҳад. То 10 августи соли 2015 ба миқдори 13107 тонна хўроки ширадори чорво захира шудааст, ки нисбат ба соли гузашта 3485 тонна кам мебошад.