29 ҷангии «Толибон» дар ду ноҳияи Афғонистон нобуд карда шуданд

Душанбе, 22.09.2015 (АМИТ «Ховар») .- Чанде пеш дар ноҳияи Чарчинои вилояти Урузгон «Толибон» ба пойгоҳи артиши миллии Афғонистон ҳамла карданд, вале ин ҳамла бомуваффақият баргардонида шуд. Дар ин бора хабаргузории «Пажвок» иттилоъ медиҳад. Бино ба иттилои манбаъ, бар асари даргирӣ 23 нафар ҷангӣ нобуд ва беш аз 8 нафари онҳо захмӣ карда шуданд. Ягон нафар аз ҷониби намояндагони полис дар ин даргирӣ осеб надиданд. Дар ҳамин ҳол, дар ноҳияи Деравуди ҳамин вилоят амалиёти муштараки нерӯҳои Афғонистон ва эътилоф сурат гирифт, ки дар натиҷаи ҳамлаҳои ҳавоӣ 6 ҷангии ифротии «Толибон», аз ҷумла фармондеҳи «Толибон» Гул Оғо ва 5 тобеи ӯ маҳв карда шуданд.