“Ҳаҷ-2015”: Дар ҳодисаҳои Маккаи мукаррама ҳоҷиёни Тоҷикистон осебе надидаанд

Душанбе, 12.09.2015. (АМИТ «Ховар»). – “Ҳаҷ-2015”: “Дар ҳодисаҳои Маккаи мукаррама ҳоҷиёни Тоҷикистон осебе надидаанд” Ситоди ҷумҳуриявии “Ҳаҷ-2015” хабар медиҳад, ки хушбахтона дар натиҷаи фалокати ахире, ки дар Маккаи мукаррама ба вуқӯъ пайваст, ягон нафар аз ҳоҷиёни Ҷумҳурии Тоҷикистон осеб надидаанд ва онҳо мунтазам маносики ҳаҷро адо намуда истодаанд. Сардори ситоди “Ҳаҷ-2015” – муовини Раиси Кумитаи оид ба корҳои дин, танзими анъана ва ҷашну маросимҳои миллии назди Ҳукумати Ҷумҳурии Тоҷикистон Азизулло Мирзозода мегӯяд, ҳоло ҳама зоирони Тоҷикистон, ки аз шаҳрҳои Душанбе ва Хуҷанд ба самти Мадинаи мунаввара парвоз анҷом дода буданд, ҳамагӣ дар Маккаи мукаррама қарор доранд ва парвозҳои боқимонда низ аз Душанбе ба самти Ҷиддаи Арабистони Саудӣ роҳандозӣ мешаванд.