Академияи ВКД озмун эълон кард

Душанбе, 21.09.2015. (АМИТ «Ховар»). — Академияи ВКД ҶТ барои соли хониши 2015 қабули ҳуҷҷатҳоро ба адъюнктура аз рӯи ихтисосҳои  назарияи таърихи ҳуқуқ ва давлат, таърихи таълимот оид ба ҳуқуқ ва давлат; ҳуқуқи конститутсионӣ, мурофиаи судии конститутсионӣ,  ҳуқуқи мунитсипалӣ, ҳуқуқи гражданӣ, ҳуқуқи соҳибкорӣ, ҳуқуқи оилавӣ, ҳуқуқи байналмилалии хусусӣ; ҳуқуқи ҷиноятӣ ва криминология, ҳуқуқи иҷрои ҷазои ҷиноятӣ;  мурофиаи ҷиноятӣ;  фаъолияти судӣ, фаъолияти прокурорӣ, фаъолияти ҳуқуқи муҳофизавӣ ва ҳуқуқҳифзнамоӣ; криминалистика, фаъолияти судӣ-экспертӣ, фаъолияти фаврӣ-ҷустуҷӯӣ  эълон кардааст.
Ба таҳсили рӯзона дар адъюнктура дар асоси озмун шахсони синнашон то 35 ва ба таҳсили ғоибона шахсони синнашон то 45, ки дорои маълумоти олии ҳуқуқшиносӣ ва собиқаи кории на камтар аз 2 сола мебошанд, қабул мешаванд. Мутахассисони ҷавон дар озмун бо тавсияи Шӯрои олимони муассисаи таҳсилоти олӣ роҳ дода мешаванд.
Муҳлати қабули ҳуҷҷатҳо то 5-уми октябри соли 2015 буда, маълумоти иловагиро метавон аз Академияи ВКД ҶТ дастрас намуд.