Ба истифода додани хонаҳои навбунёд барои зарардидагони офати табиӣ дар Тоҷикобод

Тоҷикобод, 22.09.2015 (АМИТ «Ховар», Субҳониддини Маҳмуд).-21 сентябри соли ҷорӣ  вазири  кишоварзии Ҷумҳурии Тоҷикистон  Маҳмадтоир Зокиров бо як ҳайати корӣ  ба ҷамоати деҳоти  Лангари Шоҳи ноҳияи Тоҷикобод рафта, дар маросими ба истифода додани 10 бинои истиқоматӣ ба зарардидагони офати табиӣ  иштирок кард ва ба оилаҳои зарардида калиди хонаҳои истиқоматиро супорид.
  Ёдрас мешавем, ки мақомоти иҷроияи маҳаллии ҳокимияти давлатии ноҳияи Тоҷикобод  аз лаҳзаҳои  нахустини омадани сел дар  ҷамоати мазкур дар якҷоягӣ бо Ситоди доимии ҷумҳуриявӣ дар минтақаи Рашт ҷиҳати пешгирӣ ва бартарафсозии офат аз тамоми имкониятҳо истифода карда, мардуми деҳаҳои Мазори боло ва Мазори поёни ҷамоати деҳоти  Лангари шоҳро ба ҷойҳои бехавф кўчонид.
Аз ҷониби ШСХК «Барқи тоҷик» 21 симчўб ва 5. км ноқили барқӣ дастрас гардида, хати интиқоли неруи барқ барқарор ва дар ҷойҳои зарардидаи деҳаи Мазори боло аҳолии деҳа бо барқ таъмин карда шуд. Ҳамзамон дар маҳаллаи нав як трансформатор бунёд ва симчӯбҳо насб гардида, аҳолӣ бо  барқ таъмин аст.