Филиали Донишгоҳи давлатии Москва дар Душанбе минбаъд дарсҳоро тариқи онлайн мегузарад

Сентябрь 1, 2015 09:10

Душанбе, 01.09.2015 (АМИТ «Ховар» Манижа Баҳромзода).-Барои беҳтар намудани сифати таълим дар филиали  Донишгоҳи  давлатии Москва ба номи М.В.Ломоносов дар шаҳри Душанбе  4 лаборатория  сохта шудааст, ки аз ин  2 лаборатория барои ба воситаи  онлайн  дарс додани устодоне, ки аз шаҳри Москва ташриф меоранд, омода шудааст. Сайъало Мирзоев-директори иҷроияи  филиали  Донишгоҳи  давлатии Москва ба номи М.В.Ломоносовдар шаҳри Душанбе дар робита ба ин мавзӯъ афзуд, ки таъсиси 2 лабораторияи онлайн маҳз  бо пешниҳоди устодони Донишгоҳи давлатии шаҳри Москва  сохта шуда, барои гузаронидани дарсҳо тариқи онлайн аз шаҳри Москва мусоидат хоҳанд кард. «Ҳадафи асосии мо аз он иборат аст, ки устодони  Донишгоҳи давлатии шаҳри Москва барои гузаронидани дарсҳо ба донишҷӯёни мо маблағи зиёд сарф накарда, балки тариқи онлайн, имкон пайдо кунанд, ки баъзе фанҳои худ мисли ҷамъиятшиносӣ, фарҳангшиносӣ ва ғайраро гузаронанд ва ин барои захираи маблағҳои ҷудогардида баҳри рушди Донишгоҳ  кӯмак мекунад»-гуфт директори иҷроияи  филиали  Донишгоҳи  давлатии Москва ба номи М.В.Ломоносов имрӯз 1 сентябр зимни  таҷлили Рӯзи дониш  ва  дарси  сулҳ  дар  Донишгоҳи  мазкур.
Барои дар сатҳи донишгоҳҳои Федератсияи Русия гузаштани дарсҳо, аз ҷумла ба филиали  Донишгоҳи  давлатии Москва ба номи М.В.Ломоносов дар шаҳри Душанбе омӯзгорони зиёде аз Русия ташриф овардаанд ва  ин  аз он шаҳодат медиҳад, ки ҳоло донишҷӯёни тоҷик аз донишҷӯёни Федератсияи Русия  фарқияте нахоҳанд дошт, афзуд Ковалёв Игор Евгеневич -котиби   Сафорати  Федератсияи  Русия дар Тоҷикистон.  «Сифати таҳсили донишгоҳҳои олии Тоҷикистон на танҳо барои шаҳрвандони ин кишвар, балки барои шаҳрвандони дигар кишварҳое, ки дар Тоҷикистон зиндагӣ доранд, ҷавобгӯ ҳаст»,-мегӯяд Ковалёв Игор Евгеневич . 
Ба иттилои манбаъ,  аз 162 нафар донишҷӯе, ки имсол филиали  Донишгоҳи  давлатии Москва ба номи М.В.Ломоносов дар шаҳри Душанбе  бояд қабул мекард, 152 нафар қабул шуд.

Сентябрь 1, 2015 09:10

Хабарҳои дигари ин бахш

ТАЪТИЛИ ТОБИСТОНА. Дар Зафаробод 1530 нафар хонанда ба истироҳат фаро гирифта мешавад
Имрӯз дар водиҳои Тоҷикистон ҳаво то 40 дараҷа гарм мешавад
Абдусалом Назаров дар боғаш 12 навъи зардолу парвариш менамояд
Дар доираи татбиқи «Барномаи рушди иқтисодию иҷтимоии ноҳияи Рашт барои солҳои 2021-2025» 256 иншоот сохта мешавад
Имрӯз дар шаҳри Душанбе ҳаво то 37 дараҷа гарм мешавад
Дар Ховалинг бахшида ба фаъолияти эҷодии шоир Ҳабибулло Файзулло маҳфили адабӣ доир мешавад
Дар ноҳияи Данғара ду коргоҳи истеҳсоли оксиген ба истифода дода шуд
Дар Донишгоҳи давлатии Хоруғ бахшида ба Рӯзи Ваҳдати миллӣ конфронси ҷумҳуриявӣ доир гардид
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
«Ҳар яки мо барои таҳкими ваҳдати сартосарӣ вазифадорем», — бардошт аз конференсия дар Донишгоҳи давлатии Кӯлоб
Бахшида ба таҷлили 2550-солагии Эъломияи ҳуқуқи башари Куруши Кабир дар Душанбе ҳамоиш доир шуд
Дурахши ситораҳо: дар Суғд мусобиқаҳои футболи кӯдакона доир гардиданд