Гиромидошти Рӯдакӣ
Душанбе, 22.09.2015.(АМИТ «Ховар», Марзия Саидзода).- «Одамушшуарро Абӯабдуллоҳи Рӯдакӣ (858-941) таъсиргузортарин шоир дар ҳавзаи шеъри тоҷикию форсист, ки бо гузашти беш аз ҳазор сол осори оламшумулаш асолати худро гум накардааст». Чунин зикр шуд дар ҳамоиши илмӣ, ки ба ифтихори бузургдошти Рӯзи Рӯдакӣ 22 сентябр дар Душанбе таҳти унвони «Масъалаҳои нашр, таҳқиқ ва таълими мероси Абӯабдуллоҳи Рӯдакӣ дар даврони муосир» доир гардид. Дар ҳамоиш президенти Академияи илмҳои ҷумҳурӣ Фарҳод Раҳимӣ, сафири фавқулодда ва мухтори Ҷумҳурии исломии Эрон дар Ҷумҳурии Тоҷикистон Ҳуҷчатуллоҳ Фағонӣ, директори Пажӯҳишгоҳи забон, адабиёт, шарқшиносӣ ва мероси хаттии ба номи Рӯдакӣ Сахидод Хоркашев, рӯдакишинос Қодири Рустам ва дигар донишмандону рӯдакишиносон доир ба паҳлуҳои рӯзгор ва осори ҷаҳоншумули шоири тавоно, падари шеъри тоҷикию форсӣ Абӯабдуллоҳи Рӯдакӣ ва мақоми шоир дар ташаккули адабиёти классикии тоҷику форс сухан карданд. Зикр шуд, ки Рӯдакӣ бунёдгузори адабиёти тоҷикию форсист, ки бо афкору осори оламшумулаш дар рушди илму фарҳанги аҳди Сомониён саҳми бузург гузоштааст. Ашъори шоир саршори панду ҳикмат буда, дар ташаккули инсони комил, тараннуми дӯстиву рафоқат, сулҳу субот, бародарию ҳамраъйӣ ва ҳамзистии осоишта, фосила гирифтан аз рафтору кирдорҳои нангин ва дигар зуҳуроти номатлуб нақши муассир дорад. Маҳз бо назардошти хусусиятҳои хоси шеърофарии шоир, осори пурғановати Рӯдакӣ мавриди омӯзишу пажӯҳиши донишмандону адабиётшиносон ва рӯдакишиносони ҷаҳон қарор гирифта, дар ин самт корҳои зиёди илмӣ ба анҷом расонида шудааст. Бо панҷоҳ унвон зикр гардидани номи шоир аз сӯи адабиётшиносон аз бузургии мақоми шоир ва шеъри равону баландмазмуни осори Рӯдакӣ шаҳодат медиҳад.
Бояд тазаккур дод, ки аз соли 2002 инҷониб дар Ҷумҳурии Тоҷикистон 22 сентябр Рӯзи Рӯдакӣ таҷлил карда мешавад. Бо мақсади гиромидошти номи бузургвори Рӯдакӣ яке аз ноҳияҳои атрофи пойтахти Тоҷикистон ва хиёбони бузурги Душанбе ба номи Рӯдакӣ гузошта шудааст. Инчунин Пажӯҳишгоҳи забон, адабиёт, шарқшиносӣ ва мероси хаттии Академияи илмҳои кишвар номи Рӯдакиро дорад. Ҳамзамон ҷоизаи давлатии ба номи Рӯдакӣ таъсис дода шудааст.
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
