Ховалинг: майдони кишти маҳсулоти полезӣ меафзояд

Ховалинг, 23.09.2015 (АМИТ «Ховар», Сулаймон Холов)- Кормандони Муассисаи давлатии хоҷагии ҷангали ба номи Сайдаҳмад Каримови ноҳияи Ховалинг дар баробари эҳёи ҷангалзор, дар заминҳои ба полезикорӣ мувофиқи ҷангалзор тарбузу харбуза ва каду коридаанд. 
Ба гуфти Шариф Расулов, корманди хоҷагии мазкур дар заминҳо шаш намуди каду корида шудааст, ки нашъунамои хуб доранд. Гарчанде ҳосил ҳоло нарасидааст, ҳаҷми каду ва вазни он нисбат ба маҳсулоти дар водиҳо парваришмешуда се-чор баробар калонтар аст. 
Дар ин мавзеъ кормандони хоҷагии чангал маҳсулоти полезиро обёрӣ намекунанд.
Нашъунамои хуби маҳсулоти полезӣ хоҷагидоронро руҳбаланд кардааст ва мақсад доранд соли оянда майдони полезӣ ва кишти кадуро дар ин мавзеъ 6 баробар зиёд намоянд.