Имзои созишномаи нав миёни бонкҳои Тоҷикистону Чин – такони тоза ба ҳамкории молиявии ду кишвар

Сентябрь 2, 2015 13:17

Душанбе, 02.09.2015. (АМИТ «Ховар»). — Имрўз мулоқоти Сарвазири мамлакат Қоҳир Расулзода бо Раиси Бонки мардумии Ҷумҳурии мардумии Чин Жоу Сиаочуан баргузор шуд.
Дар оғози мулоқот Сарвазири мамлакат ба ҷониби Ҷумҳурии мардумии Чин барои кумакҳои молиявию техникӣ изҳори сипосу миннатдорӣ  намуда  таъкид  бар он дошт, ки робитаҳои дуҷонибаи ду давлати ҳамсоя  дар партави сиёсати бобарори роҳбарияти сатҳи олии ҳар ду кишвар торафт беҳтару хубтар  гардида,  соҳаҳои гуногун ва  мавриди таваҷҷуҳи бештарро фарогир мешаванд .
Бо қаноатмандӣ, таъкид гардид, ки имзои созишномаи нави ҳамкорӣ  миёни Бонки миллии Тоҷикистон ва Бонки мардумии Ҷумҳурии мардумии Чин «СВОП», ки дар рўзи сеюми сентябри соли равон  ба  нақша  гирифта  шудааст  қадами устувору боварибахши  зиддибўҳронии  ҷонибҳо  дар  марҳилаи афзоиши  таъсири рўзафзуни бўҳрони ҷаҳонии иқтисодию молиявӣ ба иқтисодиёти ду давлати дўсту ҳамсоя  ба ҳисоб меравад.
Ҷонибҳо ҳамчунин дар мулоқот доир ба дарёфти роҳу усулҳои нави ҳамкорӣ дар соҳаҳои иқтисоду молия, асъор ва  низоми бонкӣ  табодули афкор намуда, барои тақвияти муносибатҳои молиявию сармоягузорӣ дар доираи Хазинаи «Роҳи абрешим», ки аз ҷониби Бонки мардумӣ ва дигар бонкҳои тиҷоратии Ҷумҳурии мардумии  Чин таъсис дода шудааст, фикру мулоҳизаҳои судманд баён доштанд.

 

 

Сентябрь 2, 2015 13:17

Хабарҳои дигари ин бахш

Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб