Кумитаи иҷроияи СЗМ СҲШ Тоҷикистонро дар муборизаи зидди гурӯҳи террористии Назарзода дастгирӣ мекунад

Душанбе, 22.09.15. (АМИТ «Ховар»). — Дар оғози  моҳи  сентябри  соли  2015  гурӯҳи  террористӣ бо  роҳбарии  собиқ  муовини   вазири  мудофиа  Абдуҳалим  Назарзода  дар  қаламрави  Ҷумҳурии  Тоҷикистон  бо  мақсади  муташанниҷ  гардонидани  вазъияти  кишвар ба  иншоотҳои  стратегӣ якчанд  ҳамла  овард,  ки  дар  ҷараёни онҳо  кормандони  мақомоти  ҳифзи  ҳуқуқ ҳалок  шуданд. 
Тавре  ки   дафтари  матбуоти сохтори   зиддитеррористии   минтақавии Созмони  ҳамкории  Шанхай  хабар  медиҳад, мақомоти салоҳиятдори  Тоҷикистон бо  ҷалби қувваю  воситаҳои  мавҷуда  амалиёти  васеи зиддитеррористиро рӯи  кор  овард, ки  он  16  сентябри  соли  2015  бо  нест  намудани роҳбару  аъзои  гурӯҳи  террористӣ  анҷом  ёфт. 
Кумитаи  иҷроияи  сохтори  зиддитеррористии  минтақавии  Созмони ҳамкории  Шанхай  пуштибонии  худро   аз чорабиниҳои  зиддитеррористии  мақомоти  салоҳиятдори  Тоҷикистон ба  манзури   ҳимояи  сулҳу  суботи  кишвар иброз  дошта, итминон  медиҳад, ки мутобиқсозии фаъолияти мақомоти салоҳиятдори  давлатҳои  узви  Созмони  ҳамкории  Шанхайро дар муборизаи   зидди  «се  офат» —  терроризм, ҷудоихоҳӣ ва  ифротталабӣ  вусъат  хоҳад бахшид.