Маҳви 160 ҷангии «Толибон» дар натиҷаи зарбаҳои ҳавоӣ дар Қундуз

Душанбе, 30.90.2015 (АМИТ «Ховар»).- Дар натиҷаи зарбаҳои қӯшунҳои ҳавоии хориҷӣ дар ҳудуди вилояти Қундузи Афғонистон қариб 160 ҷангии «Толибон» маҳв карда шуд. Дар ин бора намояндагони ҳокимияти маҳаллӣ хабар медиҳанд. 
Ёдовар мешавем, ки рӯзи душанбе шаҳри Қундуз, ки маркази маъмурии вилояти Қундуз аст, аз ҷониби ҷангиёни «Толибон» тасарруф шуд. Дар пайи ин ҳодиса, неруҳои Афғонистон амалиёти поксозиро оғоз намуданд, ки ба он қӯшунҳои хориҷӣ низ шомил шуданд. Дастгирии ҳавоӣ имкон дод, ки ҷангиёни зиёди «Толибон» нобуд карда шаванд, вале задухӯрди мусаллаҳона то ҳол идома дорад.
Чанде қабл толибон кӯшиш намуданд, ки фурудгоҳи маҳаллиро зери тасарруф дароранд, вале ба зарбаи шадиди қувваҳои ҳукуматӣ рӯ ба рӯ омада, ақибнишинӣ карданд.