Муаррифии имкониятҳои туристии Тоҷикистон дар Чин

Душанбе, 25.09.2015. (АМИТ «Ховар», Фарзонаи Давлат).-Дирӯз дар доираи Форуми АвруОсиё намоишгоҳи давлатҳои узви Созмони ҳамкории Шанхай ва давлатҳои нозир дар шаҳри Сиани Ҷумҳурии мардумии Чин оғоз гардид.
 Дар баробари дигар соҳаҳои хоҷагии халқи мамлакат, самти афзалиятноки рушди иқтисодиёти миллии кишвар, имконият ва захираҳои туристии Тоҷикистон низ тавассути варақаҳои иттилоотӣ дар бораи Точикистон ҳамчун кишвари туристӣ маълумот дода шуд.
Намоиши мазкур 24-25 сентябри соли равон доир гашта, гӯшаи туристии кишвар ба ҷомеаи ҷаҳонӣ Тоҷикистони муосирро ҳамчун давлати осоишта ва дорои захираҳои бойи табииву фарҳангӣ, таърихӣ ва пайваст ба Шоҳроҳи бузурги Абрешим инъикос менамояд. 
Дар доираи ин намоишгоҳ ҳамчунин хатсайрҳои туристӣ, имкониятҳои хизматрасонӣ, аз қабили меҳмонхона, осоишгоҳҳо, ҷалби сармоя ба рушди инфрасохтори Тоҷикистон низ муаррифӣ мешаванд.