Мубориза бар зидди коррупсия кори дастаҷамъона аст

Сентябрь 30, 2015 12:24

Душанбе, 30.09.2015 (АМИТ «Ховар»).- 30 сентябри соли 2015 дар бинои Вазорати корҳои хориҷии Ҷумҳурии Тоҷикистон баҳри татбиқи тадбирҳои «Стратегияи муқовимат бо коррупсия дар Ҷумҳурии Тоҷикистон барои солҳои 2013-2020» ва нақшаи чорабиниҳои он вохӯрии намояндагони салоҳиятдори Агентии назорати давлатии молиявӣ ва мубориза бар зидди коррупсияи Ҷумҳурии Тоҷикистон бо ҳайати шахсии вазорат, роҳбарон ва кормандони консулгариҳо ва сафоратҳои Ҷумҳурии Тоҷикистон дар хориҷи кишвар  баргузор гардид.
Дар  вохӯрӣ зикр шуд, ки мубориза бар зидди коррупсия кори дастаҷамъона буда, дар он мақомоти хизмати дипломатӣ дар ҳамбастагӣ бо мақомоти давлатӣ, ҷомеаи шаҳрвандӣ ва бо иштироки ҳар як фарди ҷомеа барои амалигардонии сиёсати зиддикоррупсионӣ кӯшиш менамоянд. Дар ҷараёни ҷалби бештари ҷомеаи шаҳрвандӣ ва мақомоти давлатӣ ҷиҳати таъмини шаффофияти фаъолияти мақомоти хизмати дипломатӣ, ҳифзи ҳуқуқу озодиҳои инсон ва шаҳрванд, таъмини дастрасӣ ба иттилоот, ташаккули мафкура ва фазои тоқатнопазирӣ ба коррупсия татбиқи чорабиниҳои фаҳмондадиҳӣ ва пешгирикунанда ба мақсад мувофиқ аст.
Дар интиҳои вохӯрии номбурда изҳороти Прокуратураи генералии Ҷумҳурии Тоҷикистон вобаста ба ҳаводиси ахири марбут ба хиёнати собиқ муовини вазири мудофиаи кишвар Абдуҳалим Назарзода ва онҳое, ки ӯро ҳамроҳӣ кардаанд, мавриди муҳокимаи ҳамаҷониба қарор дода шуда, амали хоинони миллат аз ҷониби иштирокчиён шадидан маҳкум карда шуд.
Баромадкунандагон заҳматҳои Президенти Ҷумҳурии Тоҷикистон Эмомалӣ Раҳмонро дар таҳкими сулҳу суботи кишвар ва таъмини амният махсус таъкид карданд.

Сентябрь 30, 2015 12:24

Хабарҳои дигари ин бахш

Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Дар ноҳияи Дарвоз истеҳсоли картошка 3 баробар, сабзавот 5 ва мева 9 баробар афзоиш ёфтааст
РАҚАМИКУНОНӢ. Маркази тамос барои хизматрасонӣ ба нафақагирон тавассути рақами кутоҳи 3900 фаъол гардид
ТАҒЙИРЁБИИ ИҚЛИМ. Чӣ гуна худ ва атрофиёнро аз чангу ғубор муҳофизат намоем?
МАСЛИҲАТИ МУТАХАССИС. Барои фоиданокӣ қаламфури булғориро бе коркард, дар шакли тару тоза истифода баред
Дар шаҳри Бӯстон сохтмони корхонаи муосири забҳи парранда идома дорад
Имрӯз дар Тоҷикистон чангу ғубор ба амал меояд
Бо гузашти 28 сол аҳамияти Ваҳдати миллӣ дар рушди иқтисодии Тоҷикистон бештар эҳсос мешавад
Фаъолияти иҷтимоӣ ва фарҳангӣ яке аз воситаҳои муассири таҳкими ваҳдати миллӣ мебошад
Муовини Раиси ноҳияи Данғара Зуҳро Ҳакимзода: «Мардум ба Пешвои миллат боварӣ ва эътимод дорад»
Тоҷикистон дар партави ваҳдати миллӣ ба сӯи шукуфоии нав қадам мегузорад
ВАҲДАТИ МИЛЛӢ — ПОЯИ ҲАСТИИ ДАВЛАТ ВА НЕРУИ СОЗАНДАИ МИЛЛАТ. Мулоҳизаҳои ректори Донишгоҳи давлатии Кӯлоб