Суғд: ҷавони 26- сола бо гумони даллагӣ дастгир шуд

Душанбе, 16.09.2015 (АМИТ «Ховар»).-Бино ба иттилои ВКД, кормандони милитсия марди 26-сола,  сокини ноҳияи Б.Ғафуровро ҳамчун  гумонбар дар даллагӣ дастгир карданд. Гумонбаршуда 27 август дар назди бинои маркази дилхушии “Опера”,  воқеъ  дар  кӯчаи Гагарини шаҳри Хуҷанд ду мардеро, ки доғи судӣ дошта, сокинони ноҳияи Ғончӣ мебошанд, бо ҷавондухтари 19-сола, сокини ноҳияи .Б.Ғафуров барои алоқаи ҷинсӣ намудан шинос карда, аз онҳо 100 сомонӣ муқофотпулӣ гирифтааст.             
Ҳамчунин дар вақти гузаронидани  чорабиниҳои фаврию ҷустуҷӯӣ зани 39-сола, сокини ноҳияи Ҷ.Расулов низ бо гумони даллагӣ аз ҷониби кормандони мақомоти корҳои дохилӣ  дастгир шуд. Муайян карда шуд, ки гумонбаршуда 15-уми сентябри соли равон дар назди кӯчаи Рӯдакии ноҳияи Ҷ.Расулов марди 33-солаи сокини шаҳри Кӯлобро бо зани 30-сола, сокини ноҳияи Ҷ.Расулов барои алоқаи ҷинсӣ намудан шинос намуда, аз онҳо 80 сомонӣ муқофотпулӣ  гирифтааст. 
Нисбат ба далелҳои мазкур парвандаҳои ҷиноятӣ  оғоз гардида, тафтиш идома дорад.