Супоридани нусхаи Эътимодномаи Сафири Тоҷикистон дар Украина
Душанбе, 17.09.2015. (АМИТ «Ховар»). — 16 сентябри соли 2015 дар бинои Вазорати корҳои хориҷии Украина Сафири Фавқулода ва Мухтори Ҷумҳурии Тоҷикистон дар Украина Файзулло Холбобоев нусхаи Эътимодномаи худро ба муовини вазири корҳои хориҷии Украина Елена Зеркал супорид.
Пас аз маросими супоридани нусхаи Эътимоднома мулоқоти муовини вазири корҳои хориҷии Украина Е. Зеркал бо Сафири Ҷумҳурии Тоҷикистон дар Украина баргузор гардид, ки дар ҷараёни он масъалаҳои густариши муносибатҳои дуҷониба миёни ду кишвар, таҳкими равобити дӯстона ва ҳамкории минбаъда дар соҳаҳои мухталиф, аз ҷумла дар бахшҳои иқтисод, савдо, фарҳангу маориф ва зарурати ривоҷи бештари онҳо мавриди муҳокима қарор гирифтанд.
Дар навбати худ Сафири Тоҷикистон дар Украина зимни суҳбат оид ба дастовардҳо ва пешрафти иқтисодию иҷтимоии Ҷумҳурии Тоҷикистон тайи солҳои охир ибрози ақида намуда, ҳамзамон аз ҳамкорӣ бо Украина дар бахшҳои муҳими иқтисоди ҷумҳурӣ ибрози миннатдорӣ намуд.
Ҳамчунин дар мулоқот ҷонибҳо доир ба вазъи имрӯзаи ҷаҳон ва минтақаи Осиёи Марказӣ, ҳамкорӣ ва масъалаҳои мавриди эҳтимоми тарафайн суҳбат карданд.
Дар Маркази минтақавии бехатарӣ, амният ва кафолати химиявӣ, биологӣ, радиатсионӣ ва ядроӣ машғулияти омӯзишӣ доир шуд
Имрӯз дар шаҳри Душанбе ҳаво то 15 дараҷа гарм мешавад
Мағозаи интернетии shop.megafon.tj: муносибтар, зудтар, муфидтар
Имрӯз дар Тоҷикистон ҳавои тағйирёбандаи бебориш пешгӯӣ шуда, туман мефарояд
Бахшида ба Рӯзи матбуоти тоҷик дар Маркази тадқиқоти стратегӣ ҳамоиш баргузор гардид
Мавқеи воситаҳои ахбори омма дар таҳкими худшиносии миллӣ назаррас аст
Дар шаҳри Хоруғ мусобиқаи «Ватанпарвар» баргузор гардид
Имрӯз дар Тоҷикистон ҳавои тағйирёбанда пешгӯӣ мешавад
Дар минтақаи доманакӯҳии атрофи маҳаллаи Зарафшон ниҳолҳои мевадиҳанда шинонида шуданд
«ҲАР ОН КАС, КИ «ШОҲНОМА»-ХОНӢ КУНАД…». Дар Осорхонаи миллӣ маҳфили «Шоҳномахонӣ» баргузор гардид
Ҳамёни рақамӣ дар «МегаФон Life» боз ҳам мувофиқтар шуд
Имрӯз дар Тоҷикистон борони бошиддат меборад
