Ҳушдори Абдуррашид Дустум оид ба ДИИШ

Душанбе, 04.09.2015. (АМИТ «Ховар»). — Муовини аввали Раиси ҷумҳури Афғонистон Абдуррашид Дустум гуфтааст: «ДИИШ на танҳо барои Афғонистон, балки барои Осиёи Марказӣ ва минтақаи Қафқоз, аз ҷумла ҷамоҳири Озарбойҷон, Қазоқистон, Қирғизистон, Туркманистон ва Ӯзбекистон ҳам тарҳу барнома дорад».
Тибқи иттилои хабаргузории «Афғонистон.ру», Абдуррашид Дустум ҳушдор додааст, ки ДИИШ мехоҳад корҳоеро, ки дар Сурия ва Ироқ анҷом додааст, дар ин кишварҳо ҳам анҷом диҳад. Коршиноси Озарбойҷон Арастун Оруджлу  низ бо ишора ба суханони муовини аввали Раиси ҷумҳурии Афғонистон дар бораи таҳдидоти ДИИШ ва толибон барои минтақаи Қафқоз, бавижа Ҷумҳурии Озарбойҷон гуфт: «Беш аз ҳазор нафар аз атбои ин ҷумҳурӣ аъзои  гурӯҳҳои такфирӣ ҳастанд. Бинобар ин интизор меравад давлати Боку дар муқобила бо ин масъала тасмими ҷиддӣ бигирад». 
Зимни ин чанд рӯз пеш панҷ табааи Ҷумҳурии Озарбойҷон ба ҷурми мушорикат дар ҷанги Сурия ва узвият дар гурӯҳҳои террористӣ — такфирӣ дар ин кишвар ба зиндонҳои тӯлонимуддат маҳкум шуданд.