Вохўрии Зариф Ализода бо Адам Боднар

Душанбе, 29.09.2015 (АМИТ «Ховар»).-Ваколатдор оид ба ҳуқуқи инсон дар Ҷумҳурии Тоҷикистон Зариф Ализода, ки имрўзҳо барои иштирок дар ҷаласаи солонаи САҲА (ОБСЕ) дар шаҳри Варшава қарор дорад, 28 сентябр дар доираи ин сафар бо Омбудсмени Ҷумҳурии Полша Адам Боднар мулоқот намуд.
З.Ализода ҳамтои худро ба муносибати ба мансаби Омбудсмени Ҷумҳурии Полша таъйин шудан табрик гуфта, дар ин ҷода барои ў муваффақиятҳо орзу намуд.
Зимни мулоқот ҷонибҳо оид ба нақши Омбудсмен дар ҳимоя, ҳифз ва пешбурди ҳуқуқҳои инсон ва шаҳрванд, фаъолияти ниҳодҳои худ дар ин самт ва дурнамои ҳамкории дуҷониба ва бисёрҷониба ибрози ақида намуданд.
Дар охир ҷонибҳо ҳавасмандии худро ҷиҳати тақвияти ҳамкории мутақобилан судманд эълон доштанд. 
Дар ин бора аз Хадамоти  матбуотии Ваколатдор оид ба ҳуқуқи инсон  хабар доданд.