А. Иброҳим: Масъалаҳои мустаҳкамкунии соҳил ба касбият вобастагӣ доранд
Душанбе, 15.10.2015. (АМИТ «Ховар»). — Дар робита ба иҷрои супориши Президенти Ҷумҳурии Тоҷикистон муовини Сарвазир Азим Иброҳим дар якҷоягӣ бо роҳбарон ва мутахассисони Агентии беҳдошти замин 7 октябри соли равон бо сафари корӣ доир ба омўзиши ҳолати омодагии корҳои мустаҳкамкунии соҳил дар яке аз мавзеъҳои осебпазири кишвар- дар ноҳияи Ҳамадонӣ қарор доштанд.
Баъди азназаргузаронии мавзеъҳои осебпазири ноҳияи Ҳамадонӣ дар сарбанди обгирандаи канали «Чубек» бо иштироки намояндагони масъули ҷумҳуриявию минтақавӣ ҷаласаи кории сайёр баргузор гардид. Раиси Агентии беҳдошти замин иттилоъ дод, ки соли ҷорӣ бар асари баланд гардидани ҳарорати ҳаво, ҳаҷми оби дарёи Панҷ то ба 4400-4800 метри мукааб дар як сония расида буд. Бо назардошти омодагии қаблӣ ва бо мақсади эмин нигоҳ доштани сарбанди обгиранда ва заминҳои назди соҳили дарёи Панҷ, корҳои банақшагирифташуда иҷро гардиданд, ки дар натиҷа хатари эҳтимолии хисороти хоҷагии халқи ноҳия аз баландшавии сатҳи оби дарёи Панҷ дар мавсими баҳору тобистони соли ҷорӣ пешгирӣ карда шуд.
Зимни боздид муовини Сарвазири мамлакат ба масъулини соҳа дастур дод, ки бо мақсади дуруст муайян намудани таркиби ҷойгиршавии ҷинсҳои замин дар мавзеи осебпазир, дар якҷоягӣ бо сохторҳои дахлдор як ё ду адад чоҳи таҷрибавиро дар сарбанди обгирандаи канали Чубек парма кунанд ва вобаста ба натиҷаҳои ба дастомада барои анҷом додани корҳои мустаҳкамкунии соҳил тадбирҳои иловагӣ андешанд.
Ҳамчунин таъкид шуд, ки ҳалли муҳандисии корҳои мустаҳкамкунии соҳил дар чунин шароит бо назардошти ҳисобҳои гидравликӣ, натиҷаҳои корҳои геофизикию геологӣ, гидрогеологию гидрологӣ метавонад натиҷаи дилхоҳ диҳад.
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
