Афзоиши истеҳсоли гўшт, панири равғанин, маҳсулоти ширӣ ва қаннодӣ

Душанбе, 23.10.2015. (АМИТ «Ховар»).-Дар 9 моҳи соли 2015 дар ҷумҳурӣ истихроҷи ангиштсанг ва ангишти бўр, газ, маводи ғайримаъдании бинокорӣ, истеҳсоли гўшт, ҳасиб, панири равғанин, истеҳсоли маҳсулоти шири холис, маснуоти қаннодӣ, нахи пахта, маснуоти ҷӯробу пайпоқ, пойафзоли резинӣ, собуни хоҷагӣ ва мушк, семент, оҳаки бинокорӣ, арматураи сохтмонӣ, зеристгоҳҳо, маснуоти кабелӣ, плитаҳои тарабхона, лампаҳои каммасраф ва светодиодӣ, асфалт, истеҳсоли неруи барқ, қувваи ҳароратӣ ва ғайраҳо афзудааст.
Истихроҷи  нафт, намаки ошӣ, истеҳсоли  консерваҳо, маснуоти макаронӣ, равғани растанӣ, калобаи пахтагин, газворҳо, қолин ва маснуоти қолинӣ, бензин, сӯзишвории дизелӣ, мазут, маснуот аз пластикаи филизӣ, мех ва ғайра баръакс кам шудааст.
Бино ба иттилои Агентии омори назди Президенти ҶТ дар 9 моҳи соли 2015 дар ҷумҳурӣ ба маблағи 8315,5 млн. сомонӣ маҳсулоти саноатӣ истеҳсол шудааст, ки ин нишондиҳанда нисбат ба ҳамин давраи соли 2014 (бо нархҳои муқоисавӣ) 112,8 фоизро ташкил медиҳад. Дар моҳи сентябри соли 2015 ба маблағи 1116,0 млн. сомонӣ маҳсулоти саноатӣ истеҳсол шудааст, ки  аз сатҳи соли 2014-ум 14,5 фоиз баланд аст.
Дар саноати истихроҷ ҳаҷми истеҳсолот 1168,3 млн. сомонӣ, саноати коркард 5219,5 млн. сомонӣ ва дар истеҳсолу тақсимоти неруи барқ, газ ва об 1927,7 млн. сомониро ташкил дод.
Аз 2012 корхонаи саноатии ҳисоботдиҳанда дар моҳҳои январ — сентябри соли 2015-ум миқдори корхонаҳои бозистода 339 воҳидро ташкил кард.