Агентии бокортаъминкунӣ барои кор ба Беларус даъват мекунад

Душанбе, 27.10. 2015. (АМИТ «Ховар»). — Агентии бокортаъминкунӣ дар хориҷа, воқеъ дар суроғаи шаҳри Хуҷанд, кӯчаи академикҳо Зариф ва Солеҳ Раҷабовҳо-53 дар ҳамкорӣ бо Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд муҳоҷирони меҳнатии хоҳишмандро барои кор ба Ҷумҳурии Беларус даъват менамояд.
Талаботи ягона аз онҳо хуб донистани забони русӣ ва доштани касби сохтмонӣ мебошад. Нафароне, ки собиқаи тӯлонии меҳнатӣ ва дараҷаи касбии баланд доранд, соҳиби имтиёз ҳастанд.
 Хоҳишмандон барои гирифтани маълумоти иловагӣ метавонанд ба Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд ё Агентии бокортаъминкунӣ дар хориҷа муроҷиат намоянд.