Ҷаласаи навбатии ШҲМ Созмони Ҳамкории Шанхай

Душанбе, 20.10.2015 (АМИТ «Ховар»).- 20 октябри соли 2015 дар шаҳри Пекини Ҷумҳурии Мардумии Чин дар Котиботи Созмони Ҳамкории Шанхай (СҲШ) ҷаласаи навбатии Шӯрои ҳамоҳангсозони миллии давлатҳои аъзои СҲШ ва ҷаласаи муштараки коршиносони кадрӣ, ҳуқуқӣ ва молиявии давлатҳои аъзои СҲШ кори худро оғоз намуданд.
Дар чорабиниҳои мазкур ҳайати Тоҷикистон бо роҳбарии муовини вазири корҳои хориҷии Ҷумҳурии Тоҷикистон, ҳамоҳангсози миллии Ҷумҳурии Тоҷикистон оид ба корҳои СҲШ Парвиз Давлатзода иштирок дорад.
Дар ҷаласаҳои  мазкур мавзӯъ ва ҳуҷҷатҳое, ки барои баррасӣ ба ҷаласаи Шӯрои сарони ҳукуматҳо (сарвазирон)-и давлатҳои аъзои СҲШ (Кунмин, декабри соли 2015) пешниҳод мешаванд, ҳамчунин дигар мавзӯъҳои мубрами фаъолияти созмон мавриди муҳокима қарор гирифтанд.