Ҳамкории иқтисодии Тоҷикистон ва Туркия рушд меёбад

Октябрь 7, 2015 05:56

Душанбе, 07.09.2015. (АМИТ «Ховар»). — Ҳафтаи равон дар шаҳри Анқара барои иштироки ширкатҳои бонуфузи туркӣ дар Форуми байналмилалии соҳибкорӣ дар шаҳри Душанбе мулоқоти Сaфири Тоҷикистон дар Туркия Фаррух Шарипов бо раиси Иттиҳодияи палата ва биржаҳои Туркия Рифат Ҳисарҷиклиоғлу баргузор гардид. Зимни мулоқот ҷонибҳо  оид ба масъалаҳои сармоягузорӣ дар соҳаи энергетика,  саноати нассоҷӣ, кишоварзӣ, бунёд намудани корхонаҳои муштараки коркарди меваю сабзавот,  сангҳои мармару хоро, нафту газ, иштирок дар лоиҳаҳои манзилӣ, бунёди корхонаҳои истеҳсолӣ ва маҳсулоти сохтмонӣ, навсозии даромадгоҳҳои гумрукӣ ва барқарорсозии роҳи абрешим мубодилаи афкор намуданд. Дар доираи мулоқот Фаррух  Шарипов  бо Рифат Ҳисарҷиклиоғлу масъалаҳои маориф,  табодули таҷриба барои  тайёр намудани мутахассисони соҳаи гуногуни иқтисодӣ барои  гузаштани таҷрибаомӯзии мутахассисони тоҷик дар ширкатҳои бонуфузи туркӣ ва таҳсили шаҳрвандони  тоҷикистонӣ дар Донишгоҳи иқтисодӣ ва технологии Иттиҳодияи палата ва биржаҳои Туркияро (ТОББ) матраҳ намуданд. Инчунин зимни ҷаласаи кории Сaфири Тоҷикистон дар Туркия Фаррух Шарипов бо раиси Иттиҳодияи пудратчиёни  Туркия Миттҳат Йинигун масъалаҳои иқтисодӣ-тиҷоратӣ ва лоиҳаҳои сармоягузорӣ  дар соҳаи иншоот,  энергетика ва корхонаҳои истеҳсоли масолеҳи сохтмонӣӯбаррасӣ гардиданд. Дар ҷараёни вохурӣ, Миттҳат Йинигун ишора намуд, ки моҳҳои наздик аз роҳбарони ассотсиатсияҳо ва ширкатҳои тоҷикӣ  ҷиҳати шиносоӣ ва ҳамкорӣ даъват ба амал хоҳад овард. 
Зикр намудан зарур аст, ки ин гуна ҳамкорӣ метавонанд ба рушди бештари иқтисоди кишвар ва ҳамкории босамари Тоҷикистону Туркия таҳрик бахшанд. 

 

 

Октябрь 7, 2015 05:56

Хабарҳои дигари ин бахш

Донишкадаи ҳуқуқи Сибир барои шаҳрвандони Тоҷикистон квотаи таҳсил ҷудо намуд
Дар Душанбе бахшида ба Рӯзи Ваҳдати миллӣ ҳамоиши ҷумҳуриявӣ баргузор гардид
Имрӯз дар шаҳри Душанбе ҳаво то 32 дараҷа гарм мешавад
Дар шаҳри Панҷакент ҷамъоварии картошкаи барвақтӣ оғоз гардид
Дар ноҳияи Мир Сайид Алии Ҳамадонӣ оид ба пешгирии ҳолатҳои ғарқшавӣ корҳои фаҳмондадиҳӣ гузаронида шуд
Имрӯз дар ноҳияҳои алоҳидаи Тоҷикистон борони кӯтоҳмуддат меборад
«ПАРАСТУ». Дар Бӯстон басти аввали истироҳатгоҳи шаҳрӣ оғоз гардид
Дар ноҳияи Ховалинг дар зиёда аз 600 гектар кишти картошка гузаронида мешавад
Имрӯз дар водиҳои Тоҷикистон ҳаво то 38 дараҷа гарм мешавад
Дар Донишгоҳи байналмилалии сайёҳӣ ва соҳибкории Тоҷикистон бахшида ба Даҳсолаи байналмилалии амал оид ба илмҳои яхшиносӣ ҳамоиш баргузор мешавад
Тавсия: барои алоқа дар Узбекистон маблағ камтар сарф мекунем
Дар соҳили Сирдарё барои истироҳату фароғат шароити хуб фароҳам оварда шудааст