Ҳамлаи ДИИШ ба «Ҳусайния»-и шиъаён дар Арабистони Саудӣ

Душанбе, 17.10.2015 (АМИТ «Ховар»).- Манбаъҳои ғайрирасмии Арабистони Саъудӣ аз ҳамлаи мусаллаҳона ба «Ҳусайния» дар минтақаи Алқатиф -шарқи Саъудӣ хабар доданд. Ба гуфтаи масъули «Ҳусайния», шахси ҳуҷумкунанда кушта шуда аст ва захмиҳо фавран ба бемористон интиқол дода шудаанд. Ин ҳодиса дар ҳоле рух дод, ки шиъаён  дар ҳоли маросими баргузории азодории имом Ҳусайн, имоми сеюми шиъаён буданд. 
Телевизиони Арабистони Саъудӣ эълом кард, ки террористи ҳуҷумкунанда узви ДИИШ будааст. Шабакаи «Алахбория»-и Арабистон ба нақл аз манбаъҳои огоҳ эълом кард, ки террорист ҳудудан 20 сола буд ва аз ҷониби неруҳои амниятии Арабистони Саудӣ кушта шуд.