Б. Обама: «Маскав ва Вашингтон дар масъалаи Сурия ҳамдигарфаҳмӣ надоранд»

Душанбе, 17.10.2015 (АМИТ «Ховар»).- Дар миёни Маскав ва Вашингтон оид ба масъалаи Сурия ҳамдигарфаҳмӣ мавҷуд нест. Дар ин бора, тавре  ки Reuters хабар медиҳад, дирӯз, 16 октябр президенти ИМА Барак Обама изҳор кардааст.
Тавре ки президенти  Амрико зикр кард, ИМА ва Русия қодиранд танҳо дар мавриди  пешгирии ҳодисаҳои ногувор дар фазои Сурия гуфтугӯ кунанд. Ҳамзамон ҳарду кишвар барои танзими муноқишаи Сурия  назари гуногун доранд,- илова кард Барак Обама. 
15 октябр президенти Русия Владимир Путин мавқеи ИМА-ро дар мавриди танзими муноқиша дар Сурия ғайри созанда номид. «Асоси сустӣ ё беҷуръатии ин мавқеъ, шояд  надоштани рӯзномаи корӣ бошад. Эҳтимол онҳо ҳеҷ чизи гуфтанӣ надоранд»,-хулоса кард В. Путин.