Бозии тимҳои мунтахаби Тоҷикистон ва Қирғизистон мусовӣ анҷом ёфт
Душанбе, 09.10.2015. (АМИТ «Ховар» Меҳрони Курбон).- Шоми дирӯз дар Варзишгоҳи ба номи Долен Омурзақоваи шаҳри Бишкек вохӯрии дастаҳои мунтахаби футболи Тоҷикистон ва Қирғизистон доир гардид. Ин дидор дар доираи бозиҳои интихобии роҳхат ба Ҷоми Ҷаҳон-2018 дар гурӯҳи Б доир гашт. Нахуст шуда, футболбозони мизбон дар дақиқаи 7-уми рақобат ҳисобро боз намуданд. Дар қисми дуюми сабқат бозии футболбозони тоҷик ранги дигар гирифт ва Манучеҳр Ҷалилов аз як имконияти мувофиқи голзанӣ истифода намуда, дар дақиқаи 65-ум ҳисобро баробар кард. Пас аз 7-дақиқаи дигар мизбонон дар ҷаримагоҳи хеш қоидаи бозиро вайрон намуданд ва довар ҷаримаи 11-метра таъйин кард, ки ин зарбаро Аҳтам Назаров озод вориди дарвоза намуд. Дар дақиқаҳои охири вохӯрӣ довар аз Ҷумҳурии Исломии Эрон ғайричашмдошт ба дарвозаи футболбозони тоҷик ҷазои 11-метра таъйин кард, ки онро мизбонон ба ҳадаф расониданд. Ҳамин тавр, вохӯрии дастаҳо бо натиҷаи мусовӣ- 2 бар 2 ба анҷом расид. Қаблан дастаҳои мунтахаби футболи Тоҷикистон ва Қирғизистон миёни ҳам 10 маротиба рақобат кардаанд, ки дар 7-тои он футболбозони тоҷик пирӯз омада, яктои онро мусовӣ анҷом додаанд. Ҳамакнун дар доираи ин мусобиқа дастаи миллии Тоҷикистон 13-уми октябр дар сафар бо тими мунтахаби Урдун вориди рақобат мешавад.
13 феврал дар Вазорати корҳои дохилӣ, Вазорати адлия, Кумитаи андоз ва Суди Олӣ нишасти матбуотӣ баргузор мегардад
Имрӯз дар баъзе ноҳияҳои алоҳидаи Тоҷикистон туман мефарояд
НИШАСТИ МАТБУОТӢ. Кишоварзони Ҳисор беш аз 11,3 ҳазор тонна мева ва хушкмева содирот намуданд
Дар ҳавзаи интихоботии якмандатаи Шоҳмансур №3 ташвиқоти пешазинтихоботии номзадҳо доир гардид
Ширкати «Париматч Тоҷикистон» бо «Лигаи футболи Тоҷикистон» шартномаи ҳамкориро идома дод
Дар Маҷмааи сайёҳии «Сафеддара» Форуми блогерон баргузор мегардад
Имрӯз дар баъзе ноҳияҳои Тоҷикистон бориши борон ва барф дар назар аст
Имрӯз дар вазоратҳои корҳои хориҷӣ, рушди иқтисод ва савдо, меҳнат, муҳоҷират ва шуғли аҳолӣ, Кумитаи давлатии сармоягузорӣ ва идораи амволи давлатӣ, ҷамъиятҳои саҳомии кушодаи «Барқи Тоҷик», «Шабакаҳои интиқоли барқ» ва «Шабакаҳои тақсимоти барқ» нишасти матбуотӣ баргузор мегардад
«БЕҲТАРИН ЁРИ ВАФОДОР КИТОБ АСТ, КИТОБ». Имрӯз дар Душанбе беш аз 15 ҳазор нусха китоб ба намоиш-фурӯш пешниҳод гардид
НИШАСТИ МАТБУОТӢ. Соли 2024 бо шарофати дастоварди варзишгарони Тоҷикистон 134 маротиба Суруди миллӣ дар мусобиқаҳои сатҳи байналмилалӣ садо додааст
