Дар ҳамоиши сарони давлатҳои ИДМ масоили ҳамкорӣ дар бахши муҳоҷират ва мубориза бо ҷинояткорӣ муҳокима мешавад

Душанбе, 08.10.15. (АМИТ «Ховар»). — Назар  ба  иттилои  дафтари  матбуоти Кумитаи  иҷроияи  ИДМ,  дар  ҳамоиши  сарони  давлатҳои  ИДМ, ки  16  октябр  дар  шаҳраки Буробойи  Қазоқистон  баргузор  мегардад, масоили  ҳамкорӣ   дар  бахши  муҳоҷират ва  мубориза бо  ҷинояткорӣ мавриди  муҳокима  қарор  мегирад.
Аз  ҷумла, лоиҳаҳои  ҳуҷҷатҳо  бахшида ба  санаҳои  назарраси пешорӯ —  70 — солагии таъсиси  СММ ва 30 — солагии  садамаи  Нерӯгоҳи барқи  ҳастаии (НБҲ) Чернобил ҷиҳати  баррасии Шӯрои  сарони  давлатҳои  ИДМ  пешниҳод  мешаванд. Ғайр  аз  ин, сарони  давлатҳо ҳуҷҷатҳоеро, ки  ҳамкорӣ  дар ростои  муҳоҷират, мубориза  бо  ҷинояткорӣ, фарҳанг, огоҳӣ ва  рафъи  вазъиятҳои  фавқулодда ва   ҳифзи  сарҳадотро  танзим  менамоянд, қабул  карда, ҳамчунин масоили  марбут ба рушди  ҳамкорӣ  дар  соҳаи  ҳарбиро баррасӣ  мекунанд.
Иштирокдорони  ҷаласа  бархе  масоили  ташкилӣ ва  бахши  кадрҳо,  аз ҷумла  раёсат  дар  Иттиҳоди  Давлатҳои Мустақил  дар  соли  2016,  дар  бораи  роҳбари Маркази  зиддитеррористии  давлатҳои  узви Иттиҳоди  Давлатҳои  Мустақил, дар  бораи  раиси Кумитаи ҳамоҳангсозӣ  оид ба масоили  мудофиа аз  ҳуҷуми  ҳавоии  назди  Шӯрои  вазирони  мудофиаи  давлатҳои  узви Иттиҳоди  Давлатҳои  Мустақил  ва  дар  бораи доир  намудани  ҷаласаи  навбатии Шӯрои  сарони  давлатҳои ИДМ — ро   мавриди  баррасӣ қарор  медиҳанд.