Дар ҳамоиши сарони ИДМ 40 ҳуҷҷати муҳим ба имзо расид

Душанбе, 30.10.2015. (АМИТ «Ховар»). — «Ҳамоиши имрӯзаи сарони ИДМ барои ҳамаи давлатҳо пурсамар анҷом ёфт.Тоҷикистон ҳамаи ҳуҷҷатҳои пешниҳодшударо  имзо кард»,- таъкид  кард раиси кумитаи иҷроия -дабири иҷроияи ИДМ Сергей Лебедев зимни нишасти матбуотӣ.   
Бояд гуфт, ки дар ҷаласа 40 ҳуҷҷат ба имзо расонида шуд. Бино ба гуфтаи С. Лебедев Казоқистон раисиро бо муваффақият ба анҷом расонида, сарони давлатҳо ба хулоса омаданд, ки соли оянда, яъне  соли 2016  раисиро ба уҳдаи Кирғизистон гузоранд. 
«Қирғизистон доим хостори  таҳкими ҳамкорӣ дар доираи Иттиҳоди Давлатҳои Мустақил буд ва хоҳад монд.  Мо  тарафдори  рушди муносибатҳои дӯстона байни кишварҳои узви ИДМ мебошем», — гуфт  иҷрокунандаи вазифаи Сарвазири Қирғизистон Темир Сариев зимни сухангӯӣ дар  мулоқоти сарони ИДМ  30  октябр дар шаҳри Душанбе.  
Т. Сариев  изҳори бовар намуд, ки натиҷаи мулоқоти сарони ИДМ заминаи хуб барои мубодилаи судманд дар  масъалаҳои мубрами рӯз  ва ҳамкории минбаъдаи кишварҳои иштирокдор хоҳад гашт.