Дар вилояти Ғазнӣ 200 нафар толибон кушта шуданд

Душанбе, 16.10.15. (АМИТ «Ховар»). — Назар  ба  иттилои   шабакаи  телевизионии «Тулӯъ»,  дар  ҳудуди  вилояти  Ғазнии  Афғонистон қариб  200  нафар  ҷангиёни  ҷунбиши  «Толибон»  кушта  ва 50  нафари онҳо   захм  бардоштанд. 
Тавре  ки  муовини   волии вилоят  Муҳаммад  Алӣ  Аҳмадӣ  изҳор  дошт, ҳафтаи  гузашта толибон  муддати  се  рӯз  қитъаи  роҳи  Кобул — Қандаҳорро  иҳота намуда, ба  қувваҳои  маҳаллии   амният   ҳамла оварданд. Дар  ҷараёни задухӯрдҳои  ҷангиён бо  қувваҳои  ҳукуматӣ 6 нафар  сокинони осоишта ба  ҳалокат  расида,  16  нафар,  аз ҷумла 4  нафар кормандони  пулис  захмӣ  шуданд. 
Ёдовар  мешавем, ки  қаблан  вакили Волуси  Ҷирга (палатаи  поёнии парлумон) Ориф  Раҳмонӣ   аз   нақшаҳои  толибон ҷиҳати  ба  даст овардани  маркази  маъмурии вилоят  шаҳри  Ғазнӣ  дарак  дода  буд.