Дармонгоҳи марказии Ховалинг ба зимистонгузаронӣ омодааст
Ховалинг, 24.10.2015 (АМИТ «Ховар»).- Бо назардошти пешгӯии Маркази обуҳавошинии кишвар оид ба сард омадани зимистони солҳои 2015-2016 муассисаҳои тандурустии ноҳияи Ховалинг бо маблағи буҷаи мақомоти иҷроияи ҳокимияти давлатӣ дар анборҳои хеш миқдори зарурии картошкаю пиёз, равғану сабзавот ва ҳезум захира намудаанд. Беморхонаи марказии ноҳия ба хатти озоди барқ пайваст мебошад ва новобаста ба ин маводи сӯхт нисбат ба нақшаи пешбинишуда зиёд захира гардидааст. Ба иттилои Амирхон Валиев, муовини сардухтури беморхонаи ноҳияи Ховалинг кормандони дигар муассисаҳои тандурустӣ, аз ҷумла дармонгоҳи марказӣ беш аз 60 куб ҳезум захира намуда, печу дигар таҷҳизоти заруриро омода сохтаанд. Дару тирезаҳои утоқҳо аз таъмир бароварда шуда, тирезаҳо шишабандӣ гардидаанд. Дар марказҳои саломатии деҳот ва бунгоҳҳои тиббӣ низ ба маъракаи зимистонгузаронӣ омодагии хуб дида, миқдори зарурии ҳезуму дигар намуди сӯзишворӣ захира гардидааст. Ба иттилои кормандони соҳаи тандурустии ноҳияи Ховалинг то имрӯз дар муассисаҳои тандурустӣ беш аз 220 куб ҳезум ва 200 литр сӯзишворӣ барои муҳаррикҳои барқӣ захира шудааст.
НИШАСТИ МАТБУОТӢ. Аз корхонаҳои истеҳсолии ноҳияи Ёвон ба хориҷи мамлакат беш аз 134 ҳазор тонна семент содирот гардид
7 август дар вазоратҳои корҳои дохилӣ, адлия, Суди Олӣ, Хадамоти гумрук ва Палатаи ҳисоб нишасти матбуотӣ баргузор мегардад
Ба Тоҷикистон ба маблағи беш аз 143 миллион доллар гандум ворид карда шудааст
Ташкилоти молиявию қарзии Хатлон ба иқтисодиёт беш аз 2 миллиард сомонӣ қарзҳои бонкӣ ҷудо намудаанд
Ба Тоҷикистон ба маблағи зиёда аз 443 миллион доллар маҳсулоти нафтӣ ворид карда шудааст
Имрӯз дар Тоҷикистон ҳаво камабри бебориш мешавад
ОБОДОНӢ ДАР ДЕҲОТ. Дар деҳаи Роҷи Панҷакент варзишгоҳи мактабӣ ба истифода дода шуд
3010 нафар сайёҳони хориҷӣ манзараҳои нотакрори Ховалингро тамошо намуданд
Дар Хатлон 165 бинои нави муассисаҳои таълимӣ бунёд карда мешавад
Имрӯз дар Тоҷикистон гармии ҳаво ба 37 дараҷа мерасад
