Дарвоз нақшаи даъвати тирамоҳии ҷавонписаронро иҷро кард

Душанбе, 02.09.2015. (АМИТ «Ховар» ).-Ноҳияи  Дарвози ВМКБ    нақшаи  даъвати тирамоҳии ҷавонписаронро ба сафи Қувваҳои Мусаллаҳи Ҷумҳурии Тоҷикистон  сад фоиз иҷро кард. Нақшаи  даъват аз 25 аскар иборат буда,  ҷавонписарон  дар нахустрӯзи маърака аз муоинаи пурраи тиббӣ гузаштанд. Раиси ноҳияи Дарвоз Абдураҳмонзода Саидбурҳони Саидраҳмон  иброз намуд, ки ҳамаи  даъватшавандагон бо хоҳиши  худ озими Комиссариати  ҳарбии ноҳия шуда, 18 нафараш   дорои маълумоти олӣ мебошад. Ду даъватшаванда, ки дорои маълумоти олиянд, сокини ҷамоати деҳоти Вишхарв буда, аз оилаҳои сокинони аз офати табиӣ зарардидаи ноҳия мебошанд. Шаш нафар даъватшаванда аз ҷамоати деҳоти Сағирдашт ва шаш нафари дигар аз ҷамоати деҳоти Нулванд мебошанд. Даъватшудагони боқимонда сокинони  маркази ноҳия — шахраки Қалъаи Хумбанд.