Дурнамои захираи хўроки чорво ба 118,2 фоиз расид

Душанбе, 31.10. 2015. (АМИТ «Ховар»).-Тибқи маълумоти Раёсати чорводории Вазорати кишоварзӣ дар корхонаҳои кишоварзӣ ва хоҷагиҳои деҳқонӣ (фермерӣ)-и ҷумҳурӣ маъракаи захираи хўроки чорво муташаккилона идома дорад. Тибқи дурнамо имсол дар ҷумҳурӣ ба миқдори 1 млн. 147 ҳазору 589 тонна хўроки дурушти чорво бояд захира  шавад. 
То  20 октябр  дар ҷумҳурӣ ба миқдори 1356510 тонна хўроки дурушт захира шудааст, ки 118,2 фоизи дурнаморо ташкил медиҳад. 
Ҳамзамон дурнамои хўроки ширадори чорво имсол дар ҷумҳурӣ 102 ҳазору 215 тоннаро ташкил медиҳад. То  20 октябр  дар ҷумҳурӣ ба миқдори 60 ҳазору 013 тонна хўроки ширадори чорво захира  шудааст, ки  58,7 фоизи дурнаморо дар бар мегирад.